కర్నూలు జిల్లా కోవెలకుంట్ల తాలూకా ఉయ్యాలవాడలో కీ.శే.సుబ్బారెడ్డి గారి శిష్యురాలైన సుబ్బమ్మ గారి వయసు 75.ఈమె అక్కడ శ్రీవేణుగోపాలాశ్రమం లో నివాసం ఉంటుంది.సుబ్బమ్మచిన్నప్పుడు బర్రెలను కాసేది.ఆమె దగ్గర ఎంతో మంది భగవద్గీత ను కంఠతా నేర్చుకున్నారు.వేతనం తీసుకోదు.భగవద్గీత,విష్ణు,లలిత సహస్రనామాలు.నారాయణ శతకం,వెంకటదాసు తత్త్వాలు,హనుమాన్
చాలీసా,ఆంజనేయ దండకం,ఊర్మిళ నిద్ర,లక్ష్మణుడి మూర్చ్చ,హనుమంతుని పరాక్రమం
లాంటి పాటలు, 5 కల్మాల పాటలు ఉచితంగా నేర్పుతుంది.నంద్యాలవాసి గోపిరెడ్డి శ్రీనివాసరెడ్డి గారితో కలిసి సుబ్బమ్మ గారిని దర్శించాను.ఆమె ధన్యజీవి.భగవద్గీతతో పాటు ఇస్లాం
మూల విశ్వాసాలకు సంబందించిన అయిదు కల్మాలను కూడా అయిదు చరణాలలో పాడి
వినిపించారు.ఆ పాటలు షేక్ హుసేన్ అనే గురువు ఆమెకు నేర్పారట.ఈమె జ్నాపకశక్తికి మతసామరస్యానికి జోహార్లు.
సుబ్బమ్మ
గారు పాడిన 5 కల్మాల పాట ఇది:
లాఇలాహ ఇల్లలాహు
అను నామము గలది ఈ కల్మా
తనువు లోపల తలచిన పిమ్మట
తారక యోగమె ఈ కల్మా ||లా||
మూడు పెద్దలకు
మూలవిరాట్టని మూలము తెల్పిందీ కల్మా
అర్ధము తెలియని వ్యర్థపు జనులకు అలవి కాదురా ఈ కల్మా ||లా||
అవ్వల్ కల్మా దువ్వం కల్మా ఆది వేదముల ఈ కల్మా
సువ్వం కల్మా సృష్టిలోపల సుడిపడ తిరిగిందీ కల్మా ||లా||
చారుం కల్మా చతుర్వేదముల చరింపుచున్నది ఈ కల్మా
పంజుం కల్మా పాపదోషముల పారద్రోలునది ఈ కల్మా ||లా||
ఇలలోన గురు వెల్వల చంద్రుడు వివరము తెల్పిందీ కల్మా
వారి సేవకుడు షేక్
హుస్సేను
పఠన చేసినది ఈ కల్మా ||లా||
ఈ
కల్మాల గురించి నాకు కూడా తెలియదు. నా కొడుకు ఒక సాయిబుల ఇంట్లో ఉన్నాడు. ఆమె
చెప్పింది. ఆ కల్మాలు అయిదని.
రాసినతని పేరు ?
ఆయన
గురువు ఎల్వలు చంద్రుడు. ఆయన శిష్యుడు షేక్ హుస్సేన్.
వారు చెప్తే మహా అయితే ఉర్దూలో అర్ధాలు చెప్తారు. ఇవి అరబ్బీ కల్మాలు
కదా తెలుగులోకి వచ్చి చాలా కాలం అయి ఉంటుంది. ఈ షేక్ హుస్సేన్ అనే అతను తెలుగులో
దాని అర్ధాలు చెప్పి ఆ కల్మాల రూపంలో రాశాడన్న మాట. తప్పని సరిగా సాహిత్యం ఉండి
ఉంటుంది.
ఆ
పుస్తకం ఉంది. నమాజ్ చేయలేదని వాళ్ళ వాళ్ళు నేలకేసి కొట్టారు తలకాయని. నుదురుమీద నమాజు గుర్తు కూడా కనబడాలట. నమాజంటే
అంటే అది కాదు. అనుదినం ఆత్మలో ఆపరత్పర ధ్యానం అనుభవించినవాడు అన్ని కాలాలందు
వినుడు స్నేహితులార కనుడు ఖురాన్ లో కలదు వాక్యం.
అది కూడా ఉందా ఈ పాటలో లేక వేరే పాటా ఇది?
ఇందులోదే.
కానీ మర్చిపోయాను.
ఆ షేక్ హుస్సేన్ గారి గురించి వివరాలు , అతను రాసిన పుస్తకం దొరుకుతాయా?
బుక్కు
చిన్నక్క దగ్గర ఉండే ఉండొచ్చు.
ఏ చిన్నక్క?
చెట్టుపల్లి
చిన్నక్క.
ఏ ఊరు?
నంద్యాలలోని
బ్రహ్మానంద రెడ్డి కాలనీ. ఉందో లేదో తెలీదు. ఒకప్పుడు ఉండేది.
ఈడ
రామన్న భార్యని అడుగుతాను.అనుదినం ఆత్మలో
ఆపరత్పరుని ధ్యానించడమే నమాజ్ అంటే అని ఆయన చెప్పాడు.
https://www.facebook.com/nandyalsrinivas.reddy/posts/849178968467975?comment_id=854047324647806¬if_t=like