పింజారీ అంటే పింజలు వడికేవాడు

 

 

పింజారీ అనే కులం ఒకటి ఉన్నట్లు కూడా చాలా మంది తెలుగు వారికి తెలియదు.బ్రహ్మం గారి శిష్యుడు సిద్దయ్య పింజారీ.నాదస్వర విద్వాంసుడు పద్మశ్రీ షేక్ చిన మౌలానా , బుర్రకధ పితామహుడు షేక్ నాజర్ పింజారీలే.కొన్ని చోట్ల వీరిని నూర్ బాషాలు,తెలుగు ముస్లిములు,దూదేకుల సాయిబులు,లదాఫులు అని కూడా పిలుస్తారు.వీరు హిందూ ముస్లిం ఆచారాల కలబోత లాగా ఉంటారు.

 "పింజారీ వెధవ" అనే తిట్టు డైలాగు జంధ్యాలగారి మొదలు అనేకమంది పెద్దలు సినిమాల్లో ఉపయోగించారు.దూదేకుల కులస్థులు తగిన ప్రజాబలం లేక తోటి ఉర్దూ సాయిబులు దగ్గరకెళితే రోలొచ్చి మద్దెల దగ్గర మొరపెట్టుకున్నట్లుంది అన్నారట.ఇప్పుడు బ్రాహ్మణులు,రేపు ఇంకో కులం.దేవుడి లాంటి పిల్లలు ఏదో ఒక కులం,మతం ముద్రతో పుట్టక తప్పటంలేదు.కులం కొందరికి వరమైతే కొందరికి కర్ణుడి శాపంలాగా ఉంది.మనిషి సాంఘీక జంతువు కాబట్టి శక్తి చాలని వాడు సాధుత్వం వహించాల్సిందేనని మౌనంగా అవమానాన్ని దిగమింగుకుంటున్నారు.

 గగ్గటూరి అబ్దుల్ ఖాదర్ సాంఘీక గౌరవం కోసం దూదేకుల,పింజారీ లద్దాఫ్ కులాల పేరును నూర్ బాషా గా మార్పించటంకోసం చాలా కష్టపడ్డారని ఇనగంటి దావూద్ గారు రాసిన "నూర్ బాషీయుల చరిత్ర-సంస్కృతి" పుస్తకంలో చదివాము.మరి మా పూర్వీకుల ఇంటి పేరు మార్పించిన మహాశయులు  వారి ఇంటి పేర్లను ఎందుకని మార్చుకోలేదో అని నా సందేహం.

పింజ=ధోవతి గోచి అంచును బిళ్ళగామడిచి దోపుకొనిన పంచకట్టు,ఇది పెద్ద వరుసవారు కట్టుదురు.బిళ్ళగోచి -పింజబోసి కట్టినాడు

పింజరీ పీకు =ఎడతెగని వాదము చేయు

పింజలు= జందెము వడుకు పద్ధతి,నాలుగు పింజలు వడికినాడు

పింజేరి = బలహీనుడు,పీల,పింజేరి మనిషి

(మాండలిక పదకోశము,ఆం.ప్ర.సాహిత్య అకాడమీ 1970).

వీటిలో బలహీనుడు లేదా పింజలు వడికేవాడు అనే అర్ధాలు 
సమంజసంగా ఉన్నాయి.

అయితే ఇలాంటి బలహీనుడినీ,ఏకులూ,జందెములు వడికే శ్రామికుడినీ,
పవిత్రుడినీ పట్టుకొని  'పింజారీ వెధవ' అంటూ కొంతమంది దుష్టులు కూసే కారుకూతలను ఆపటానికి గతంలో ఎన్నో ప్రయత్నాలు జరిగాయి.'పింజారీ వెధవ' అనే పదాన్ని తమ సీరియళ్ళలో తొలగిస్తూ దూరదర్శన్ ప్రోగ్రామ్స్ కంట్రోలర్ వెంకటేశ్వర్లు గారు 18.2.1987న ఐ.పి షా గారికి క్షమాపణ ఉత్తరాన్ని రాశారు.

డా. దాశరధి రంగాచార్య ఇనగంటి దావూద్ గారి ఉత్తరానికి స్పందించి తన 'అమృతంగమయ' సీరియల్ లో "ఈ పదం తొలగిస్తున్నాను క్షమాపణ కోరుతున్నాను" అంటూ పెంజరము అంటే 'బంగారు హరిదళము'అని అర్ధం చెప్పారు (వార్త ఆదివారం 2.2.2003).అయినా పెంజరానికీ పింజారీకి ఎలాంటి సంబంధం లేదనీ,మానవులంతా ఒక్కటే,లోకమే వారి కుటుంబం,ఒకరు మరొకరికంటే అధికుడై జన్మించాడనే మాట అర్ధరహితం అనే దావూద్ గారి వాదనను చివరికి రంగాచార్యగారు ఒప్పుకున్నారు.

తెలుగుఅకాడమీ వారి తెలుగు-తెలుగు నిఘంటువులో పింజారీ అంటే ఒకవిధమైన తిట్టు అనే అర్ధం ఉంది.అది ఎలా తిట్టుపదమో చెప్పాల్సిందిగా ఇనగంటి దావూద్ గారు నిగ్గదీస్తే పునర్ముద్రణలో ఈ తప్పును సవరించుకుంటామని ఆవులమంజులత గారు 28.8.2003 న సమాధానమిచ్చారు.
జంధ్యాల,కోనవెంకట్,మోత్కుపల్లి, బ్రహ్మానందం లాంటివాళ్ళు ఇదేపదం వాడి క్షమాపణ చెప్పారని సత్తార్ సాహెబ్ చెప్పారు .

ఎన్నో ఏళ్ళనుండి మా కులం పేరుతో తిట్టకండి అని పింజారీలు పోరాడుతున్నా ఫలితం శూన్యం.సంస్కారంలేని రచయితలను,దర్శకులనూ ఏం చెయ్యాలి? 
వేలాది పింజారీ సోదరులు కలత చెందుతున్నది రగిలిపోతున్నదీ రిజర్వేషన్ కోసం కాదు.తమకులాన్ని తిట్టుపదంగా వాడవద్దని.అదొక కులమని ఇన్నాళ్ళూ తెలియలేదన్నారు.అది ఒక కులమని తెలిసిన తరువాత కూడా కావాలని డైలాగులు రాసే వారిని,తీసేవారిని ఏమని పిలవాలి ?వాళ్ళను ఎలా ఆపాలి?ఆపలేనివారిని  అనెయ్యటమేనా?అనేవాడిని అనొద్దు అని చెప్పకుండా అనిపించుకున్నవాడిని బాధపడొద్దు చూడొద్దు అని సలహా ఇచ్చేవారికి  మానవత్వం ఉందా? ఇంట్లోవాడు అంటేనేంటి బయటోడు అంటేనేంటి?ఇద్దరూ పాపులే.
పిండారికీ పింజారికీ తేడా తెలియని పుండాకోరులకు,ఎగతాలి చేద్దామని చూసేవారికి తగిన జవాబివ్వండి.మనం ఇంతగా వివరించినా "పిండారీ అనే పదం నుండే పింజారీ అనే పదం పుట్టింది. ఈ విషయం నిర్థారణగా తెలిసింది" అని మొండిగా వాదిస్తూ అది ఎలా నిర్ధారణ అయ్యిందో చెప్పని వాళ్ళకు బుద్ధి చెప్పాలి.అయినా వాళ్ళ తిట్లకు ఈ పదాన్నే ఎంచుకోటానికి కారణం పింజారీలు బలహీనవర్గానికిచెంది ఎవరినీ ఎదిరించలేని స్థితిలో ఉండటమే.వీళ్ళ నోళ్ళు మూయించలేక కళావంతులు,భోగం వాళ్ళు తమ కులంపేరు సూర్యబలిజ గా మార్చుకున్నారు.మాదిగలు మాత్రం ఎదురుతిరిగి నిలబడ్డారు. 

నోరా వీపుకు దెబ్బలు తేకే అన్నట్లు సభ్యత సంస్కారం లేని వాళ్ళు గతంలో మాల,మాదిగలను ఇలాగే తిట్టేవాళ్ళు.అత్యాచార చట్టం వచ్చాక కులదూషణ కేసులకు జడిసి వెనక్కుతగ్గారు.తీట నోరు ఊరుకోదుకదా.చట్ట రక్షణ లేని మిగతా బలహీన కులాలపైన పడ్డారు.ఆ క్రమంలోనే ఇప్పుడు బ్రామ్మలు,రేపు ఇంకో కులం.విడిపించే దిక్కులేక దెబ్బలకోర్చినట్లుంది కొన్ని కులాల పరిస్థితి.ఈ దెబ్బ భరించలేక ఏమీ చెయ్యలేక భోగం వాళ్ళు తమ కులం పేరే మార్చుకుంటే,మాదిగలు గౌరవ సుచకంగా తమ పేర్లకు తగిలించుకొని ఎదురు తిరిగి నిలబడ్డారు.చివరికి చంద్రబాబు నాయుడు కూడా నేనే పెద్ద మాదిగను అనే పరిస్థితి వచ్చింది. అసలు అర్ధం తెలిశాక తమ తిట్ల నిఘంటువును తెలివైనవాళ్ళూ సభ్యతగలవాళ్ళు సవరించుకుంటారు

"ఏ కులం అయినా, ఏ మతం అయిన మనుషులందరూ ఒక్కటే", సమానులే.అపకారులూ ఉపకారులూ అన్ని కులాల్లో ఉంటారు.వృత్తి,రంగు,మొదలైన లక్షణాలను బట్టి పూర్వం సాలెపురుగు,మాలకాకి,తురకవేప,దూదేకులపురుగు,కుమ్మరిపురుగు,దేవాంగపిల్లి,భోగంమేళం...లాంటి కొన్నిపేర్లు పెట్టారు.అనేక సామెతలూ పుట్టించారు.కాలం మారేకొద్దీ వాటిలో అవమానంగా భావించే వాటిని తొలగించాలి లేదా మార్చుకోవాలి.

సామెతల్లో నీతులున్నాయి,బూతులూ ఉన్నాయి.కాబట్టి "నల్లబ్రామ్మడినీ ఎర్రకోమటినీ నమ్మకూడదు" లాంటి కొన్ని అహేతుకమైన అవమానకరమైన సామెతలు కొనసాగకుండా కాలగర్భంలో కలపాలి. కులవివక్ష హిందువుల్లో బలంగా ఉందా,ముస్లిముల్లో బలంగా ఉందా అనే పోలిక అనవసరం.ఇద్దరిలోనూ ఉంది. సాటి మానవులపై వివక్ష ,ఎగతాళి,ఎక్కిరింపు,నీచంగా చూడటం ఎక్కడున్నా ఎవరిలో ఉన్నా నేరమే.

 దూదేకుల వాళ్ళు సగం హిందూ ఆచారాలు,సగం ముస్లిముల ఆచారాలు రెంటినీ పాటిస్తూ 'మేము పెద్ద లౌకిక వాదులం' అనుకుంటారు గానీ వాస్తవానికి ఇరుమతాల నిరాదరణకూ గురౌతున్నారు. 

                               *  *   *

Mohammed Ismail; Not only Dudekula, Laddaf, Pinjari or Noorbash, there some more casts shown below are also related to Islam/Muslims which are recognised and classified as backward classes by the GOAP.
Achchupanivallu
Attar Saibulu.
Dhobi Muslim
Fhakir Budbudki
Garadi Saibulu
Gosangi Muslim
Keelu Gurralavallu
Hajam
Labbi
Bonthala
Qureshi
Siddi/Habshi. Though most of these names are derived from their profession, basically they are Muslims. The only thing is that they are far away from Islamic religious education main stream Muslims. However, indeed it is very heinous act to comment or critisize any religion, cast or sect. Particularly, on celluloid, muslim youth are being portrayed as terrorists and criminals. Using the religion or cast negetively in films shall be condemned by one and all. 

Pulikonda Subbachary A Poet; రహమతుల్లా గారూ మీ వాక్యాలు చాలా బాగున్నాయి. నిన్న మొన్న ఒక సినిమాలో బ్రాహ్మణులను కించపరుస్తూ సినిమా తీశారని ఎంత ఆందోళనకు దిగారు. ఎంత ఆక్రోశాన్ని వెళ్ళగక్కారు. చూశాము కదా. కాని అప్పటి స్వర్గసీమ దగ్గరనుండి, మొన్నటి మంగమ్మగారి మనవడు నుండి నిన్నటి స్వాతి కిరణం దాకా ఎన్నో కింది కులాలను అత్యంత హీనంగా చిత్రించినవి హీనంగా వ్యాఖ్యానించిన సినిమాలు ఎన్నివచ్చాయి. వీటి మీద ఎవరైనా బ్రాహ్మణులు పవిత్రులైన కులజులు స్పందించారా. ఇది సూటి ప్రశ్న. ఈ సెగ తమకు తగిలినదాకా సినిమా ఎంత వికృతంగా ఉందో తెలియలేదా. స్వాతి కిరణం సినిమాలో కింది కులాల వారికి అవార్డు వచ్చిందని తనకు ఇచ్చిన అవార్డునే కిందికులం పీరు సాయిబుకు ఇచ్చారని డబ్బుకొట్టేవానికి ఇచ్చారని ఒక అనంతరామశాస్త్రి అనే శాస్త్రీయ సంగీత విద్వాంసుడు అంటే ఇప్పుడు ఆక్రోశం వెలిబుచ్చినవారు అప్పుడేం చేశారు. పెదవి విప్పి మాట్లాడారా ఇది తగదు అని చెప్పారా. అంటే ఏ కులం వారికి హాని జరిగితే ఆ కులం వారే ఉద్యమాలు చేపట్టాలని అనుకుంటున్నారా. బి.ఎన్. రెడ్డి సినిమాలో ఒక పాత్ర కింది కులాలను పడ తిడుతుంది. కులం పేరుతో ముండా అని తిడుతుంది. ఎన్ని చెప్పాలి. వీటన్నింటికి క్షమాపణ చెప్పడానికి అగ్రకులస్థులు సిద్ధంగా ఉన్నారా. పింజారీ వెధవా, ఛండాలుడా వంటి అనేక కులాల పేరుతో ఉన్న కులం తిట్లు తెలుగు భాషనుండి తొలగించడానికి మీరు సిద్ధమేనా. రండి చర్చకు రండి మాట్లాడుకుందాం. అన్ని కులాలను సమానంగా గౌరవించడానికి సిద్ధంగా ఉన్నారా. వేంకటేశ్వర స్వామి గుడిలో కళ్యాణ కట్టలో గుండు చేసే నాయీ గుడి అంతరాళంలో మంత్రం చదివే పూజారి చేసే సేవలు ఒకే విలువైనవి అని నిండుగుండెతో ముందుకు వస్తారా. చర్చిద్దాం రండి. రహమతుల్లా గారూ ఈ వాదాన్ని ముందుకు తీసుకుపోదాం. పులికొండ సుబ్బాచారి.

Raviprem Jagannath C; Chala baaga Vivarincharu Noorbasha Rahamthulla garu ... monna aa madya maa muslim friend vaalla naanna garu meerut daggara kaaladharmamu chendinappudu vellanu ... meerut daggara vunna chinna town (muslim majority 10 vela janabha) .... maa vadu chala kalam hyderabad and benguluru lo vundadamu valana akkada evariki peddhaga teliyadhu ... akkada oka masjid daggaraki velli adiganu, ee cast ani adigaru teliyadhu ani cheppi naku telisina vivaralu teliyaparicha teliyadhu annaru ... aythe smasananiki daari chepandi velthanu anna ... ventane vaalu chepinadhi vini mathi poyinantha pani ayyindi ... ikkada moodu smasanalu vunnaye ,,, seikhla smasanamu, Qurshid la smasanamu, ahmadeeyula smasanamu ... vaalu ekulamo telishte aa smasananiki daari cheputanu annaru akkada ... nenu chepochedi emiti ante mana south lo ne kadhu North India lo kooda Muslimala lo cast lu vunnaye ... maa friend chepite antadu vaalu Rajput Muslims anta 500 yella kindha convert ayyaru, brahmin muslims, vysa muslims kooda vunnaru antah and they wont marry muslims converted from lower casts alage Qushids will not marry syeds and converted Hindu muslims anta .... Ee Mathamu marina ... ee desamegina akkada ki kooda kulam pattuku velladame mana Dharmamu laaga vundi

*  https://www.facebook.com/nrahamthulla/posts/487713424593986?comment_id=6154232&ref=notif&notif_t=like

 *http://nrahamthulla.blogspot.in/2012/10/blog-post.html . 

*http://te.wikipedia.org/wiki/%E0%B0%A6%E0%B1%82%E0%B0%A6%E0%B1%87%E0%B0%95%E0%B1%81%E0%B0%B2 

*http://www.siliconandhra.org/nextgen/sujanaranjani/mar13/emdaromahanubhavulu.html

*https://www.facebook.com/photo.php?fbid=581503501881644&set=a.233025936729404.60739.100000659993594&type=1&theater